Breaking NewsNationalتازہ ترین

تعلیمی اداروں میں شجرکاری مہم جلد مکمل کرنے کی ہدایت

سیکریٹری جنگلات ساوتھ پنجاب سرفراز مگسی کی ہدایت پر ایڈیشنل سیکریٹری جنگلات، جنگلی حیات و ماہی پروری ساؤتھ پنجاب فہد حیدر بزدار کی زیر صدارات تعلیمی اداروں میں موسم برسات کی شجرکاری مہم کے حوالے سے اجلاس منعقد ہوا۔
اجلاس میں ڈپٹی سیکریٹری (ایڈمن) علی عاطف، سی ای او ایجوکیشن ملتان شمشیر احمد اور ڈی پی آئی سیکنڈری ایجوکیشن اعزاز احمد خان نے شرکت کی۔
اجلاس میں شجرکاری کے فروغ اور بالخصوص موسمی شجرکاری کے حوالے سے مختلف امور زیر بحث آئے۔اجلاس میں محکمانہ فوکل پرسن مقرر کئے گئےجوکہ شجرکاری مہم کی کامیابی کو یقینی بنانے کےلیے ہرممکن اقدامات اور وسائل کو بروئے کار لائیں گے۔
ایڈیشنل سیکرٹری نے کہا کہ شجرکاری کے فروغ سے وزیراعظم پاکستان کے وژن "کلین اینڈ گرین پاکستان ” کو پایہ تکمیل پر پہنچایا جاسکتا۔
انہوں نے ہدایات جاری کیں کہ شجرکاری مہم کو جلد از جلد مکمل کیا جائے اور کسی قسم کی کوتاہی نہ کی جائے۔ انہوں نے اس بات کی یقین دہانی کروائی کہ محکمہ جنگلات پودوں کی فراہمی اور کاشت سے متعلق ہمہ قسمی تعاون کرے گا۔
سی ای او ایجوکیشن نے بچوں میں پودوں کی اہمیت سے متعلق آگاہی مہم چلانے کا بھی اعادہ کیا تاکہ سرسبز پاکستان کی ترویج ہو۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

پاکستان میں کرونا وائرس کی صورت حال

گھر پر رہیں|محفوظ رہیں