Breaking NewsNationalتازہ ترین
آپریشن سب ڈویژنوں کو 2055 میٹرز جاری
سپریٹنڈنگ انجینئر میپکو ملتان سرکل محمد منور خان نے خراب اورجلنے والے میٹروں کی تبدیلی کے لئے آپریشن سب ڈویژنوں کو 2055میٹرز جاری کردئیے ہیں۔
ملتان سرکل کے زیر انتظام سب ڈویژنوں کو 1930سنگل فیز اور 125تھری فیز میٹرز فراہم کئے گئے ہیں اور تمام ایس ڈی او ز کو ہدایت کی گئی ہے کہ وہ سٹورز سے میٹرز حاصل کرکے خراب میٹرز کی تبدیلی یقینی بنائیں۔
ایلوکیشن کے مطابق میپکو کینٹ ڈویژن کو 267سنگل فیز اور 18تھری فیزمیٹرز، ممتازآبادڈویژن کو 512 سنگل فیز اور 9تھری فیز میٹرز، سٹی ڈویژن کو 321 سنگل فیز اور 12تھری فیز میٹرز، شجاع آبادڈویژن کو156سنگل فیز اور ایک تھری فیز میٹر، موسیٰ پاک ڈویژن کو 361سنگل فیز اور 9تھری فیز میٹرز، شاہ کن عالم ڈویژن کو313سنگل فیز اور 19تھری فیز میٹرز جاری کئے گئے ہیں۔