اسرائیلی صدر اور اہلیہ نے کورونا ویکسین کی تیسری ڈوز لگوالی

اسرائیل کے صدر اسحاق ہرزوگ اور ان کی اہلیہ مشل نے کورونا کے خلاف قوت مدافعت کے لیے امریکی ویکسین فائزر کی تیسری ڈوز لگوالی۔
میڈیا رپورٹس کے مطابق 60 سال سے زائد عمر کے شہریوں کے اسرائیلی شہریوں کے لیے کورونا کی بوسٹر ڈوز مہم کے اعلان کے ایک دن بعد اسرائیلی صدر نے اہلیہ سمیت کورونا ویکسین کی تیسری ڈوز لگوائی۔

اسرائیلی وزیراعظم نفتالی بیننٹ کی جانب سے گزشتہ روز 60 سال سے زائد عمر کے افراد کے لیے تیسری ڈوز والی دنیا کی پہلی ویکسی نیشن مہم کا اعلان کیا گیا تھا۔
اس خبر کے بعد پاکستان اور مسلم ممالک میں جاری پروپیگنڈہ بھی دم توڑ گیا کہ اسرائیل میں ویکسی نیشن نہیں کی جارہی ہے۔