اووربلنگ کی شکایات پر ایکسین کبیروالہ ڈویژن کو عہدے سے ہٹانے اور ایک ایس ڈی او سمیت تین اہلکاروں کو معطل کرنے کے احکامات جاری
چیف ایگزیکٹو آفیسر میپکو انجینئر اکرام الحق نے اووربلنگ کی شکایات پر ایکسین کبیروالہ ڈویژن کو عہدے سے ہٹانے اور ایک ایس ڈی او سمیت تین اہلکاروں کو سروس سے معطل کرنے کے احکامات جاری کردئیے ہیں۔
ایگزیکٹو انجینئر آپریشن میپکو ڈویژن کبیروالہ نصراللہ خان ناصر کو اووربلنگ کی شکایات پر عہدے سے ہٹادیاگیاہے اور اووربلنگ،نااہلی اور فرائض میں غفلت برتنے پر سب ڈویژنل آفیسر میپکو کبیروالہ سب ڈویژن اللہ وڑایوکو معطل کرکے میپکو ہیڈ کوارٹر اٹیچ کیاگیاہے جبکہ کبیروالہ سب ڈویژن کے میٹرانسپکٹر کاشف عمران اور میٹرریڈر مانگے شاہ سمر کو سروس سے معطل کرکے خانیوال سرکل رپورٹ کرنے کی ہدایت کی گئی ہے۔
ڈپٹی منیجر انسپکشن جی ایس سی میپکو ملتان چوہدری بابرعلی سرور کو ایکسین کبیروالہ ڈویژن تعینات کیاگیاہے جبکہ نصراللہ خان ناصر کو خالی آسامی پر ایکسین ایم اینڈ ٹی ڈویژن خانیوال تعینات کیاگیاہے۔میپکو ہیڈ کوارٹر میں تعیناتی کے منتظر ایس ڈی او محمد ہاشم ندیم کو سب ڈویژنل آفیسر میپکو کبیروالہ سب ڈویژن تعینات کیاگیاہے۔
