آئندہ برس میٹرک اور انٹر میڈیٹ کے امتحانات مئی اور جون میں ہوں گے

وزارت تعلیم نے آئندہ برس میڑک اور انٹر کے امتحانات کے بارے میں ایڈوائس جاری کردی ہے جس میں کہا گیا ہے کہ پرائمری امتحان رواں سال مکمل سلیبس پر لیا جائے گا رواں تعلیمی سال جوسلیبس پڑھایا جارہا ہے مکمل کیاجائےگا۔
اس بارے میں وزیر تعلیم شفقت محمود نے بتایا کہ بین الصوبائی وزرا کی کانفرنس وقتا فوقتا کرتے رہتے ہیں، تعلیم میں ہمیں سب کو مل جل کر کام کرنا ہے، انہوں نے کہا کہ پورے ملک میں ایک تدریسی کیلنڈر بنانا چاہتے ہیں ۔
ان کا کہنا تھا کہ ایم ڈی کیٹ کا معاملہ ان کی وزارت میں نہیں آتا۔ تاہم 34 ہزار سے زائد طلبا نے ٹیسٹ پاس کیا جن میں سے 20 ہزار کو میڈیکل کالجوں میں داخلہ مل سکے گا۔
شفقت محمود نے کہا کہ یکساں تعلیمی نصاب کو مزید بہتر کریں گے، اساتذہ کی ٹریننگ تبھی بہتر ہو گی جب ہم تعلیم کا بجٹ بڑھائیں۔