آسٹریلیا کے قومی کھیل فٹی کے بین الاقومی کوچ مائیکل گیلس ملتان پہنچ گئے
ملتان آمد پر خصوصی گفتگو میں آسٹریلیا کے کوچ مائیکل گیلس کا کہنا تھا کہ پاکستان نے مختلف کھیلوں میں منفرد شناخت بنائی۔ اور اب آسٹریلیا کا قومی کھیل فٹی پاکستان میں تیزی سے مقبول ہو رہا ہے ۔
انہوں نے بتایا کہ پاکستان اس سال ایشیئن فٹی چیمپئن شپ میں شرکت کرے گا اور وہ پاکستان کی فٹی ٹیم کی تشکیل کیلئے پاکستان آئے ہوئے ہیں، ملک گیر قومی ٹرائلز کا آغاز اسلام آباد سے ہو چکا ہے۔ لاہور کے بعد اب جنوبی پنجاب کے کھلاڑیوں کے ٹرائلزملتان میں قومی ٹیم کے ٹرائلز ہوں گے۔
انہوں نے کہا کہ پاکستان میں فٹی کو اسلام آباد سے تعلق رکھنے والے آرگنائزر چوہدری ذوالفقار کے ذریعے پاکستان میں متعارف کروایا گیا تھا، اب یہ کھیل اپنی جڑیں بنا چکا ہے انہوں نے ملتان سے تعلق رکھنے والے ٹرینر و کوچ محبوب اقبال کی فٹی کے فروغ کیلئے خدمات کا سراہتے ہوئے کہا کہ محبوب اقبال باصلاحیت کوچ ہیں۔
انہوں نے کہا کہ وہ جنوبی پنجاب کے فٹی ٹرائلز کیلئے چیف کوآرڈی نیٹر و انٹرنیشنل سپورٹس مین عابد حسین کو مقرر کیا گیا ہے۔
ایک سوال پر آسٹریلیئن کوچ مائیکل گیلس نے کہا کہ انہیں پاکستانیوں کے خلوص نے متاثر کیا۔
انہوں نے کہا کہ پاکستان اے ایف ایل فیڈریشن فٹی کے فروغ کیلئے انقلابی اقدامات کر رہی ہے۔
مائیکل گیلس سے خصوصی گفتگو کے دوران قومی فٹی کوچ محبوب اقبال ۔ محمد ناصر اور پاکستان اے ایف ایل فیڈریشن کے فوکل پرسن عبدالجبار چوہدری بھی موجود تھے۔