ایجوکیشن فاؤنڈیشن کا پارٹنر سکولوں کے صرف 25 فیصد طلباء کا کوالٹی ایشورنس امتحان لینے کا فیصلہ
پنجاب ایجوکیشن فاؤنڈیشن پارٹنر سکولوں کے طلباء کا کوالٹی ایشورنس امتحان تین شفٹوں میں ہوگا، نرسری، پریپ اور پہلی جماعت کا امتحان زبانی لیا جائے گا، دوسری جماعت سے لے کر دسویں جماعت تک کے طلباء کا تحریری امتحان ہوگا، پیف 27 لاکھ سے زائد طلباء و طالبات کا کوالٹی ٹیسٹ لے گا۔
ترجمان کے مطابق پنجاب ایجوکیشن فاؤنڈیشن ہر کلاس کے 25 فیصد طلباء کو منتخب کرے گا، پیف خود سے سکولوں میں طلباء کو امتحان کے لئےمنتخب کرے گا، لاہور سمیت پنجاب بھر میں امتحانات کا انعقاد 20 جون سے 10 جولائی تک ہوگا، پیف نے پارٹنر سکولوں کے طلباء کیلئے امتحان کا دورانیہ ڈیڑھ گھنٹہ مقرر کیا ہے۔
سکولوں میں زیر تعلیم طلباء کا اردو، سائنس، انگریزی اور ریاضی کا امتحان لیا جائے گا،ساتویں جماعت تک انگریزی مضمون کے نمبرز رزلٹ کا حصہ نہیں ہوں گے، میٹرک اور انٹرمیڈیٹ کا صرف اختیاری مضامین کا امتحان لیا جائے گا۔