ایچ ای سی نے بی پی ایس اساتذہ کی سن لی
آل پاکستان یونیورسٹی بی پی ایس اساتذہ کی ایسوسی ایشن کے کابینہ کے اراکین نے ہائر ایجوکیشن کمیشن کی ایگزیکٹو ڈائریکٹر ڈاکٹر شائستہ سہیل چیئرمین ہائرایجوکیشن کے معاون خصوصی اویس احمد ظفر علی سیال اور ڈپٹی ڈائریکٹر ڈاکٹر عابداللہ انور سے ملاقات کی اور بی پی ایس یونیورسٹی اساتذہ کے مختلف مسائل کے حوالے سے تفصیلی بات چیت کی ۔
ہائر ایجوکیشن کمیشن نے بی پی ایس اساتذہ کے مسائل سے اتفاق کیا، اور اساتذہ کے ساتھ ملازمتی ڈھانچے کی عدم موجودگی کی وجہ سے کی گئی ناانصافیوں پر افسوس کا اظہار کیا ۔
اگرچہ ہائر ایجوکیشن کمیشن کی آرڈیننس 2002 میں یہ ملازمتی ڈھانچہ واضح طور پر موجود ہے ۔ ہائر ایجوکیشن اور آل پاکستان یونیورسٹی پی پی ایس اساتذہ کی ایسوسی ایشن کے کابینہ کے اراکین اس بات پر متفق ہوگئے ہیں کہ 16 جولائی تک اٹھائے گئے تمام مسائل کے حوالے سے آل پاکستان بی پی ایس اساتذہ کے ایسوسی ایشن کو اعتماد میں لیا جائے گا اور اٹھائے گئے اعتراضات کی روشنی میں نیا ڈرافٹ کمیشن کو بھیج دیا جائے گا ۔اس بات کا فیصلہ بھی کیا گیا کہ آل پاکستان بی پی ایس یونیورسٹی اساتذہ کے کابینہ کے اراکین کی عیدالاضحیٰ کے بعد ہائر ایجوکیشن کمیشن کے اراکین سے ملاقات بھی کرائی جاے گی۔
