بارش نے میپکو کی بتی گل کردی

میپکو ریجن کے مختلف علاقوں میں میں گزشتہ روز بارش اور آندھی سے بجلی کی فراہمی متاثرہوئی۔ میپکو ملتان، وہاڑی، بہاولپور، ڈی جی خان اور بہاولنگر سرکلوں کے زیر انتظام علاقوں میں وقفہ وقفہ سے ہونے والی بارش سے 35فیڈرز سے بجلی کی فراہمی متاثرہوئی۔

چیف ایگزیکٹو آفیسر میپکو انجینئر اکرام الحق کی ہدایت پر پاور کنٹرول سنٹرز میں سینئر افسران بجلی بحالی کے کاموں کی مانیٹرنگ کرتے رہے۔ آپریشن سرکلوں کے سپریٹنڈنگ انجینئرز، ایگزیکٹو انجینئرز اور ایس ڈی اوز کو دفاتر میں موجود رہنے کی ہدایت کی۔ لائن سٹاف نے مکمل ٹی اینڈ پی کے استعمال کے ساتھ فیلڈ میں بجلی بحالی کے لئے کام کیا۔