Breaking NewsEducationتازہ ترین
تعلیمی بورڈ ملازمین کی ہڑتال کامیاب ، ایچ ای ڈی نے گھنٹے ٹیک دئیے
پنجاب ایجوکیشن بورڈ ایمپلائز ویلفیئر یونین ایسوسی ایشن کے متفقہ فیصلہ پر پنجاب بھر کے 9 تعلیمی بورڈ مین مکمل قلم چھوڑ احتجاج کیا گیا، احتجاج کی وجہ سے پنجاب کے تمام بورڈز میں دفتری امور بشمول سہولت مرکز مکمل طور پر بند رہے۔
تاہم کنٹرولنگ اتھارٹی کے نمائندوں کے ساتھ ہونے والے مزاکرات کے بعد پنجاب کے تمام تعلیمی بورڈز کے چیئرمین اور پنجاب بورڈزکی ایکشن کمیٹی کے عہدیداران کو کل مزاکرات کے لیے ہائر ایجوکیشن ڈیپارٹمنٹ بلایا گیا ہے، لہذا پنجاب بورڈز فیڈریشن کی ایکشن کمیٹی نے کنٹرولنگ اتھارٹی کی جانب سے مثبت پیش رفت کے بعدتمام بورڈز میں قلم چھوڑ احتجاج کو دو دن کے لیے مؤخر کردیا ہے ، اگلے لائحہ عمل کا اعلان مذاکرات کے بعد کیا جائے گا۔