جعلی انرولمنٹ کی اطلاع پر پیف حکام کا پارٹنر سکولوں میں بچوں کی ماہانہ بنیاد پر تصدیق کرانے کا فیصلہ

پنجاب ایجوکیشن فاؤنڈیشن کےتحت پارٹنر سکولوں میں بچوں کی جعلی اینرولمنٹ کا انکشاف ہو اہے ، جس کے بعد یف کا پارٹنر سکولوں میں بچوں کی ماہانہ بنیاد پر تصدیق کرانے کا فیصلہ کرلیا۔تمام پارٹنر سکولوں میں تصدیق کا عمل ایک روز میں مکمل کیا جائے گا۔ سکول سے بچوں کی مسلسل غیر حاضری پر بھی وظائف روک دیئے جائیں گے۔
پیف حکام کے مطابق سکولوں میں طلباء کو 20 فیصد تک غیرحاضری کی گنجائش ہوگی۔دوران وزٹ بچوں کی اینرولمنٹ کا ریکارڈ اور حاضری رجسٹرڈ فراہم کرنا سکول سربراہان کیلئے لازمی ہوگا۔ ریکارڈ فراہم نہ کرنے پر متعلقہ سکول کی پیف کے ساتھ رجسٹریشن منسوخ کردی جائے گی۔