Paid ad
Breaking NewsInternationalتازہ ترینسائنس وٹیکنالوجی
Trending

جنوبی کوریا کی یہ یوٹیوبر حقیقت میں وجود نہیں رکھتی

ہم نے چین میں ڈجیٹل کرداروں کو خبریں پڑھتے ہوئے دیکھا ہے۔ لیکن اب مجازی انسان روئی سے ملیے جو ایک یوٹیوبر ہیں۔ ان کا جسم ، آواز اور بال سب حقیقی ہیں لیکن چہرہ مصنوعی ذہانت اور ڈیپ فیک سے تیار کیا گیا ہے۔ اس کردار کا نام روئی اور یوٹیوب چینل کا نام روئی کوری ہے۔

ٹیکنالوجی کی اس شاہکار کے بہت سارے مداح ہیں جس کے بعد ڈیپ فیک ٹیکنالوجی کی بحث دوبارہ زندہ ہوگئی ہے۔ لوگ حیران ہیں کہ کمپیوٹرپر مصنوعی چہرہ سازی اس طرح کا روپ بھی اختیار کرسکتی ہے۔ یہی وجہ ہے کہ پوری دنیا میں ڈیپ فیک ٹیکنالوجی کی حدود اور قانون سازی پر غور ہورہا ہے۔

واضح رہے کہ پہلے یوٹیوب پر ان کا چینل بنایا گیا تو یہ نہیں بتایا گیا کہ ان کا چہرہ اصلی ہے یا نقلی بعد میں جب انہوں نے اپنے ڈیپ فیک چہرے کا راز افشاں کیا۔ ان کا کہنا ہے کہ انہوں نے یوٹیوب پر مقبول ہونے کے لیے مصنوعی چہرے کا سہارا لیا ہے۔ اس کی ایک وجہ یہ بھی ہے کہ ایشیا اور بالخصوص جنوبی کوریا میں کاسمیٹک سرجری کا جنون ہے اور لوگ خوبصورت نظر آنا چاہتے ہیں۔ شاید روئی نے بھی اس لیے ڈیپ فیک ٹیکنالوجی کا استعمال کیا ہے۔

روئی نے اعتراف کیا ہے کہ انہوں نے اپنے چہرے کو خوبصورت بنانے کے لیے کئی آپریشن کرائے ہیں لیکن اس کے باوجود انہیں ڈجیٹل چہرے کا سہارا لینا پڑا ہے۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button