سکولوں میں طلبا شماری یکم نومبر کو ہوگی

محکمہ سکولز نے سالانہ طلبا شماری رواں برس 31 اکتوبر کے بجائے یکم نومبر کو کرانے کافیصلہ کیا ہے، اور تمام سی ای او کوہدایت کی گئی ہے کہ وہ مقررہ دن اس سرگرمی کو کامیاب کے ساتھ مکمل کریں اور سکول انفارمیشن سسٹم میں مکمل ڈیٹا اپ لوڈ کریں ۔
اس سلسلے میں جاری مراسلے میں کہاگیا ہے کہ یکم نومبر کو تمام مکتب، مسجد، پرائمری، ایلمنٹری، ہائی اور ہائر سکینڈری سکولز کے سربراہ پڑھائی کے اوقات کے بعد سس پر لوگن ہوکر ڈیٹا اپ لوڈ کریں گے ۔
تمام سی ای اوز کو ہدایت کی جاتی ہے وہ تمام سکولوں کا دورہ کریں اور اپ لوڈ ہونےو الے ڈیٹا کا جائزہ لیں ، اس سلسلے میں موک ایکسائزکا سلسلہ بھی شروع کردیا گیا ہے، سکول ڈیٹا اپ لوڈ کرنے کی پریکٹس کرسکتے ہیں جو ڈیٹا اپ لوڈ کیا جائے گا وہ 30 اکتوبر کر سسٹم سے صاف کردیا جائے گا تاکہ یکم نومبر کو اصل ڈیٹا اپ لوڈ ہوسکے ۔
جوڈیٹا اپ لوڈ کیا جائے گاان میں طلبا کا ریکارڈ، اساتذہ اور سٹاف کا ریکارڈ، سکول میں موجود سہولیات، شامل ہوں گی یکم نومبر کو اپ لوڈ ہونے کے بعد سسٹم کو لاک کردیا جائے گا۔