Breaking NewsNationalتازہ ترین
مریم کے بیٹے کا نکاح 22 اگست کو ہوگا
مسلم لیگ ن کی مرکزی نائب صدر مریم نواز کا کہنا ہے کہ بیٹے جنید کا عائشہ سے 22 اگست کو نکاح لندن میں ہوگا۔
مسلم لیگ ن کی مرکزی نائب صدر مریم نواز نے سماجی رابطے کی ویب سائٹ ٹویٹر پر اپنے پیغام میں کہا کہ بدقسمتی سے بیٹے کے نکاح میں شریک نہیں ہو سکوں گی، انتقامی کارروائی، بوگس مقدمات کی وجہ سے شرکت نہیں کرسکوں گی۔
مریم نواز نے لکھا کہ ’میں جیل میں تھی جب میری والدہ کا انتقال ہوا، اب میں اپنے بیٹے کی خوشی میں شریک نہیں ہوسکوں گی۔انہوں نے لکھا کہ حکومت سے باہر جانے کی اجازت کے لیے درخواست نہیں کروں گی، اپنا معاملہ اللہ پر چھوڑتی ہوں۔جنید کا نکاح سیف الرحمان کی بیٹی عائشہ رحمان سے ہورہا ہے۔