میپکو میں تربیتی پروگرام دوبارہ شروع کرنے کے احکامات جاری

چیف ایگزیکٹو آفیسر میپکو انجینئر اکرام الحق نے کوروناوائرس19کی تیسری لہر کی شدت میں کمی آنے پر حکومتی ہدایات کی روشنی میں تربیتی سرگرمیاں بحال کرنے کے احکامات دے دئیے ہیں۔
اسسٹنٹ ڈائریکٹر ٹریننگ اینڈ مین پاور میپکو رانا محمد سرفراز کی جانب سے جاری ہونے والے نوٹیفیکیشن کے مطابق میپکو ریجن کے زیر انتظام ریجنل ٹریننگ سنٹر اور سرکل ٹریننگ سنٹرز میں ٹریننگ کی سرگرمیاں ایس او پیز کے تحت بحال کردی گئی ہیں اور ٹریننگ سنٹرز کی انتظامیہ کو ہدایت کی ہے کہ ٹریننگ سنٹرز کے کلاس رومز اور تربیتی مراکز میں حکومت پاکستان کی کووڈ19سے متعلق جاری کردہ احتیاطی تدابیر پر سختی سے عملدر آمد کیاجائے۔