میکسیکو میں میٹرو ٹرین پل سمیت سڑک پر گر گئی، 23 افراد ہلاک

عالمی خبر رساں ادارے کے مطابق میکسیکو سٹی میں مصرف شاہراہ پر گاڑیوں پر بائی پاس بُل اُس وقت گر گیا جب اس پر سے میٹرو ٹرین گزر رہی تھی۔
پُل کا ملبہ اور ٹرین کے ڈبے گاڑیوں پر گرنے سے 23 افراد ہلاک اور 63 زخمی ہوگئے جب کہ درجنوں گاڑیاں تباہ ہوگئیں۔

ریسکیو ادارے نے پُل کے کمزور ہونے پر ٹرین کو اتارنے کا عمل روک دیا ہے۔ واقعے کی تحقیقات کے لیے انکوائری کمیٹی تشکیل دیدی گئی ہے۔ زخمیوں میں سے 4 کی حالت نازک بتائی جارہی ہے۔
سوشل میڈیا پر وائرل ہونے والی ویڈیوز اور تصاویر میں ٹرین کے ڈبوں کو پُل سے گرتے ہوئے دیکھا جا سکتا ہے جب کہ ملبے اور ٹرین کے ڈبوں تلے درجنوں گاڑیاں دبی ہوئی ہیں۔