پاکستان کا کراچی کے ساحل پر دھنسنے والے جہاز کو قبضے میں‌ لینے کا فیصلہ

کراچی کے ساحل پر پھنسنے والے مال بردار جہاز کے حوالے سے وزارتِ جہاز رانی نے بڑا فیصلہ کرلیا۔
میڈیا رپورٹس کے مطابق وزارتِ جہاز رانی نے کراچی کے ساحل پر پھنسنے والے نجی کمپنی کے مال بردار جہاز ’ہینگ ٹانگ 77‘ کو ناکارہ قرار دیتے ہوئے قبضے میں لینے کا فیصلہ کرلیا۔
وزارت نے پاکستان مرچنٹ آرڈیننس 2001 کے تحت جہاز کو سی وردی نہ ہونے پر قبضے میں لیا۔جہاز ہینگ ٹانگ 77 کے کپتان کو تحریری طور پر آگاہ کر دیا اور بتایا کہ جہاز کی مشینری اور دیگر نظام خراب ہوگیا، جبکہ نیوی گیشن بھی اب چلنے کے قابل نہیں ہے۔
خط میں لکھا گیا ہے کہ خراب جہاز انسانی جان اور املاک کے لئے نقصان دہ ہے۔ ساحل پر پھنسنے والے جہاز کو نکالنے کے لیے اطراف سے مٹی اور ریت ہٹانے کا کام کیا گیا تھا، جس کے بعد جہاز کو نکالنے کی کوشش کی گئی مگر حکام کو ناکامی کا سامنا کرنا پڑا۔