ڈسٹرکٹ سپورٹس گراونڈ کی تزین وآرائش مکمل

کریک ایڈکشن کرکٹ اکیڈمی کے سی ای او طارق محمود نے عدنان نعیم ڈسٹرکٹ سپورٹس آفیسر ملتان سے ملاقات کی، اور ان کو ڈسٹرکٹ سپورٹس کرکٹ گراؤنڈ کے لیے وکٹوں کا تحفہ دیا۔
اس موقع پر انہوں نے کہا کہ ملتان میں کافی عرصے سے یہ گراؤنڈ تزئین و آرائش کی وجہ سے بند تھا ، جس کی وجہ سے ملتان کے کرکٹرز کو مشکلات کا سامنا تھا ،لیکن اب اس کا تمام کام مکمل ہوچکا ہے، اور اس کو دوبارہ جلد ہی کرکٹ کےلئے کھول دیا جائے گا اس کی تزئین و آرائش قابل تحسین ہے ۔
عدنان نعیم سپورٹس آفیسر ملتان نے بتایا کے ڈسٹرکٹ سپورٹس کرکٹ گراؤنڈ ملتان کو جلد ہی ملتان کے کرکٹرز کے لئے کھول دیا جائے گا ، اور یہاں پر کرکٹ کے دلچسپ مقابلہ جات جلد ہی منعقد کرائے جائیں گے، کرکٹ گراؤنڈ میں تمام تر سہولیات میسر کی جائیں گی تاکہ کھلاڑی اپنی بہترین صلاحیتوں کا اظہار کر سکیں۔