ایم این ایس یونیورسٹی آف انجینئرنگ اینڈ ٹیکنالوجی میں سموگ کی آگاہی بارے سیمینار
حکومت پنجاب کی ہدایت پر گزشتہ روزپنجاب ہائی وے پولیس کے زیراہتمام ایم این ایس یونیورسٹی آف انجینئرنگ اینڈ ٹیکنالوجی میں سموگ کی آگاہی بارے طلباء و طالبات کی تربیت کے حوالے سے آگاہی سیشن کا انعقاد کیا گیا،جس میں ٹریفک قوانین کی پاسداری کی اہمیت اور سفر کے دوران مختلف اصول و ضوابط کی وضاحت کی گئی ۔
طلباء سے خطاب کرتے ہوئے جاوید اقبال نے سموگ ، ٹریفک اور صحت پر اس کے اثرات کے بارے میں بھی بتایا۔
اس موقع پر وائس چانسلر پروفیسر ڈاکٹر عامر اعجاز نے سموگ بارےطلباء کو آگاہی فراہم کرنے پر پنجاب ہائی وے پولیس کا شکریہ ادا کیا ،اور طلبہ کو دنیاوی تعلیم کے ساتھ ساتھ روزمرہ زندگی کے بہترین اصولوں کے مطابق گزارنے پر زور دیا۔
انہوں نے طلباء وطالبات سے خطاب کرتے ہوئے کہاکہ یونیورسٹی کا ایک رول دنیاوی تعلیم کے ساتھ ساتھ ان کے کردار سازی کرنا ہے اور اسی سلسلے میں یونیورسٹی محتلف سیمینار اور لیکچر کا انقعاد کرواتی رہے گی ۔
بعد ازاں وائس چانسلر نے طلباء وطالبات کے ہمراہ سموگ اور ٹریفک کے قوانین کی آگاہی کی اہمیت کے سلسلے میں ایک واک کی قیادت بھی کی، اور اختتام پر تعریفی اسناد بھی تقسیم کی گئیں۔