آئی جی پولیس اور وائس چانسلر زکریا یونیورسٹی میں ملاقات
ایڈیشنل انسپکٹر جنرل پولیس جنوبی پنجاب ڈاکٹر احسان صادق سے وائس چانسلر بہاوالدین زکریا یونیورسٹی ملتان پروفیسر منصور اکبر کنڈی نے ملاقات کی، اور باہمی امور پر تبادلہ خیال کیا۔
ایڈیشنل انسپکٹر جنرل پولیس جنوبی پنجاب نے کہا کہ پولیس ادارے اور اساتذہ کا احترام مقدم رکھے گی، بیرونی عناصر کو یونیورسٹی کے ماحول میں خرابی کی ہر گز اجازت نہیں دیں گے ۔
یونیورسٹی میں غیر قانونی سرگرمیوں میں ملوث عناصر کو قانون کی گرفت میں لائیں گے، یونیورسٹی انتظامیہ کے ساتھ مل کر ادارے کو منشیات سے پاک کریں گے اور نوجوانوں کو نشہ کی لعنت سے محفوظ کریں گے یونیورسٹی کے ماحول کو بہتر رکھنے کے لیے پولیس اپنے تمام تر وسائل بروئے کار لائے گی ۔
ایڈیشنل انسپکٹر جنرل پولیس جنوبی پنجاب ڈاکٹر احسان صادق نے وائس چانسلر پروفیسر منصور اکبر کنڈی کو یادگاری شیلڈ پیش کی، جبکہ وائس چانسلر پروفیسر منصور اکبر کنڈی نے ایڈیشنل انسپکٹر جنرل پولیس جنوبی پنجاب ڈاکٹر احسان صادق کو اپنی تازہ تصنیف پیش کی۔
