اے آئی جی پولیس کا بہاولپور کادورہ ، حفاظتی انتظامات کا جائزہ لیا

ایڈیشنل انسپکٹر جنرل پولیس جنوبی پنجاب کیپٹن ریٹائرڈ ظفر اقبال اعوان نے وزیر اعظم پاکستان کے دورہ بہاولپور کے حوالہ سے حفاظتی انتظامات کا جائزہ لیا، انہوں نے ہدایت کی کہ حفاظتی اقدامات میں کسی قسم کی غفلت یا کوتاہی کا مظاہرہ نہ کیا جائے اور وزیراعظم کے دورہ کے دوران ٹریفک پلان اس طرح ترتیب دیا جائے کہ ٹریفک کی روانی میں کوئی خلل نہ آئے۔

انہوں نے کہا کہ اہم مقامات پر واک تھرو گیٹ نصب کئے جائیں، اور لوگوں کی آمدورفت میں آسانی پیدا کی جائے ۔

ہر پولیس افسر اور اہلکار کو اس کی ڈیوٹی کے بارے میں بریف کر دیا جائے، اور دورہ مکمل ہونے تک کوئی افسر یا اہلکار اپنی جائے ڈیوٹی نہ چھوڑے۔

انہوں نے کہا کہ ضلعی انتظامیہ سے مل کر دورہ کے انتظامات کو حتمی شکل دی جائے۔