پاکستان کےخلاف اپنی سر زمین استعمال نہیں ہونےدیں گے۔ افغان طالبان
طالبان نے پاکستان کو اپنا دوسرا گھر قرار دیتے ہوئے یقین دہانی کروائی ہے کہ پاکستان کےخلاف اپنی سر زمین استعمال نہیں ہونےدیں گے۔
میڈیا رپورٹس کے مطابق ترجمان طالبان ذبیح اللہ مجاہد نے کہا کہ پاکستان ہمارا پڑوسی ملک ہے،ہماری کئی چیزیں مشترک ہیں، بھارت سمیت کسی ملک کوداخلی پالیسی میں مداخلت کی اجازت نہیں دیں گے۔
داعش ختم ہوچکی ہےاس کا وجود اب افغانستان میں نہیں رہا، مجھے نہیں لگتا اب پاکستان مخالف کوئی تنظیم افغانستان میں ہے ، کسی تنظیم نے افغانستان سے پاکستان میں گڑبڑکی کوشش کی توروکیں گے۔
ذبیح اللہ مجاہد نے کہا کہ سویت دور سے پاکستان کےخلاف پروپیگنڈا کیا جاتا رہا ، پاکستان افغانستان میں کوئی مداخلت نہیں کرتا طالبان کے کابل فتح کرنےمیں پاکستان کاکوئی کردار نہیں، کابل اپنےزور بازو سےفتح کیا۔
پاکستان کا کوئی کردارنہیں، پاکستان سےتعلقات کی بنیاد پروپیگنڈے پر نہیں حقائق پر ہوگی ۔
پاکستان سےدوستانہ سفارتی اور اقتصادی تعلقات کےخواہشمندہیں۔
پاکستان میں آج بھی لاکھوں کی تعداثدمیں افغان مہاجرین رہائش پذیر ہیں، پاکستان سےٹرانزٹ ٹریڈ میں آسانیاں پیداکریں گے ،پاکستان سےکاروبار کرنے والوں کو سہولتیں فراہم کریں گے۔
پاکستان نےطورخم سرحد پر پاسپورٹ اور ویزہ لازمی قرار دیا ہے ، پاسپورٹ اور ویزہ لازمی قرار دینے کی وجہ سےافغان شہریوں کو مشکلات ہیں۔
پاکستان چمن اورطورخم سرحد پر پاکستان آسانیاں پیدا کرے، ہم بھی کریں گے سرحدپرآسانیاں دونوں ممالک کے امن اورمعیشت کےمفادمیں ہے، ٹیکس میں مزید کمی کریں گے تاکہ تجارت کوفروغ ملے۔