Breaking NewsEducationتازہ ترین
اوپن یونیورسٹی نے امتحانات کے شیڈول کا اعلان کردیا
اوپن یونیورسٹی نے خزاں 2021میں پیش کئے گئے میٹرک،ایف اے پروگراموںکے امتحانات کا شیڈول جاری کر دیا۔
ا س سلسلے میں سینٹر سپرنٹنڈینٹ کا اجلاس ہوا ، جس میں ریجنل ڈائریکٹر ملتان میاں محمد ریاض نے بھی شرکت کی۔
شرکاء سے خطاب کرتے ہوئے ان کا کہنا تھا کہ میٹرک، ایف اے، آئی کام،میٹرک،ایف اے(درس نظامی) پروگرامز کے امتحانات 28فروری2022ء سے شروع ہوںگے۔
انہوں نے مزید کہا کہ تمام طلباء و طالبات امتحانی سینٹرمیں کرونا ایس او پیز پر سختی سے عمل کریں گے۔
تمام طلباء و طالبات کو رولنمبر سلپس ان کے ایڈریس پر بھجوا دی گئی ہیں۔
تاہم اگر کسی طالب علم کو رولنمبر نہ ملی ہو تو وہ اپنے CMS اکائونٹ میں Login ہو کر اپنی رولنمبر سلپ ڈائون لوڈ/ پرنٹ کر سکتے ہیں یا ریجنل کیمپس واقع شاہ رکن عالم کالونی ملتان میں قائم کردہ ہیلپ ڈیسک سے بھی لے سکتے ہیں۔