علامہ اقبال اوپن یونیورسٹی کی ٹریننگ ورکشاپ شروع ہوگئیں
علامہ اقبال اوپن یونیورسٹی سمسٹرخزاں2021 میں پیش کئے گئے بی ایڈ پروگرام کی تربیتی ٹیچر ٹریننگ فیس ٹو فیس ورکشاپس تحصیل سطح شروع ہوگئیں ہیں۔
ریجنل ڈائریکٹر ملتان میاں محمد ریاض نے ٹیوٹرز/سپروائیزرکی بریفنگ میٹنگ میں کہا کہ طلباء و طالبات کی تعلیمی و تربیتی ورکشاپ کا مقصد ملک و قوم کو ایک بہترین معلم فراہم کرنا ہے ، جس میں علامہ اقبال اوپن یونیورسٹی اپنا بھر پور کردار ادا کرتی رہے گی۔
تمام طلباء و طالبات تربیتی ورکشاپ کے دوران کرونا ایس او پیز پر سختی سے عمل کرتے ہوئے ورکشاپ سنٹر میں داخل ہوں گے۔
تمام طلباء کو اطلاعی خطوط ان کے ایڈریس پر بھجوا دیئے گئے ہیں، اور ان کو بذریعہ ایس ایم ایس بھی آگاہ کر دیا گیا ہے تا ہم اگر کسی طالب علم کو خط موصول نہ ہوا ہو تو ویب سائٹ سے اپنا ورکشاپ سنٹر بمعہ شیڈول اپنے رجسٹریشن نمبر سے چیک کر سکتا ہے۔
ورکشاپ بارے میں معلومات ریجنل کیمپس واقع شاہ رکن عالم کالونی ملتان میں قائم کردہ ہیلپ ڈیسک سے بھی لے سکتا ہے۔