آل پاکستان انٹر بورڈز جمناسٹک چیمپئن شپ کا انعقاد

آل پاکستان انٹر بورڈز جمناسٹک چیمپئن شپ تعلیمی بورڈ ملتان کے کیمپس گراؤنڈ پر شروع ہوگئی۔

آرگنائزنگ سیکرٹری ملک نثار نے بتایا چیمپئن شپ میں میزبان ملتان سمیت 7 تعلیمی بورڈز کی ٹیمیں شریک ہیں، افتتاحی روز کھلاڑیوں کی آفیشل بریفنگ کے بعد ابتدائی مقابلے کروائے گئے ۔

جس میں ملتان ۔ فیصل آباد ۔ لاہور ایجوکیشن ۔ ٹیوٹا لاہور۔ پشاور ۔ گوجرانولہ اور کراچی بورڈ کے جمناسٹ نے حصہ لیا۔

ججنگ پینل اظہار حیدر ۔ شہباز فضل۔ غلام حر اور عبدالستار پر مشتمل تھا۔ نعیم اللہ خان جمناسٹ کی پرفارمینس کے مطابق رواں تبصرہ پیش کرتے رہے۔

آج ایونٹ کے دوسرے اور آخری روز تقریب تقسیم انعامات بھی منعقد کی جائے گی۔