ڈپٹی ڈائریکٹر کالجز کی تعیناتی کےلئے درخواستیں دینے کی تاریخ میں توسیع

صوبہ بھر میں ڈپٹی ڈائریکٹر کالجز کی تعیناتی ، محکمہ ہائیر ایجوکیشن نے تعیناتی کیلئے درخواستوں کی وصولی کی تاریخ میں توسیع کر دی۔

تفصیل کے مطابق 37 ڈپٹی ڈائریکٹرز کیلئے درخواستیں 11 جون تک وصول کی جانی تھیں، محکمہ ہائیر ایجوکیشن نے درخواستوں کی وصولی کی تاریخ 16 جون تک بڑھا دی، ایچ ای ڈی نے امیدواروں کی سہولت کیلئے کرائیٹیریا جاری کر رکھا ہے، تعیناتی کے لئے 100 نمبر رکھے گئے ،تعلیمی تجربہ ،سنیارٹی کے 10،10نمبرز مختص کئے گئے، تحریری امتحان کے 30، انتظامی تجربہ کے 20 اور انٹرویو کے 20 نمبر مختص کئے گئے میرٹ پر آنے والے پہلے 5 امیدواروں کے انٹرویوز کئے جائیں گے۔

ڈپٹی ڈائریکٹر کالجز کی تعیناتی 3 سال کے لئے کی جائے گی۔