ہائر ایجوکیشن کمیشن کے سربراہ کافیصلہ نہ ہوسکا

ایچ ای سی کے ڈاکٹر طارق بنوری کی بطور چیئرمین ایچ ای سی چار سالہ مدت میعاد 28 مئی کو ختم ہوگئی۔

نئے چیئرمین ایچ ای سی کی تلاش کے لئے بنائی گئی، سرچ کمیٹی کوئی ایک نام فائنل نہ کرپائی،چھ رکنی سرچ کمیٹی وفاقی وزیر رانا تنویر کی کنوینر شپ میں تشکیل دی گئی ۔

کمیٹی میں دو موجودہ وائس چانسلرز بھی شامل ہیں۔

امیدواروں کو درخواست جمع کروانے کے لئےمحض چار دن دیئے گئے،دس روز گزر چکےمگر تاحال اس حوالے سے کوئی فیصلہ نہ ہوسکا ۔

جبکہ ایچ ای سی چیئرمین نہ ہونے کی وجہ سے اہم پراجیکٹ تعطل کا شکار ہوگئے ہیں ، جبکہ بجٹ کی تیاری بھی جاری ہے ۔

تعلیمی حلقوں سے مطالبہ کیا ہے کہ حکومت اس معاملے کو سنجید گی سے لے اور نئے چیئرمین کی تعیناتی عمل میں لائی جائے ۔