"اے آئی اور ہیومین انٹریکشن: سائیکالوجیکل انسائٹ” پر ایک روزہ ورکشاپ
زکریا یونیورسٹی کے شعبہ اپلائیڈ سائیکالوجی اور جینڈر سٹڈیز نے مشترکہ طور پر پاکستان سائیکولوجیکل ایسوسی ایشن کے تعاون سے "اے آئی اور ہیومن انٹریکشن: سائیکالوجیکل انسائٹ” پر ایک روزہ ورکشاپ کا انعقاد کیا، ورکشاپ میں ممتاز ماہرین ڈاکٹر ملک مرید حسین،مہمانِ خصوصی پروفیسر ڈاکٹر ثروت سلطان، ڈاکٹر رقیہ صفدر باجوہ، ڈاکٹر عبید الرحمان نے اپنے قیمتی خیالات پیش کیے، اریبہ حسنین نے میزبان کے فرائض سر انجام دیے۔
ورکشاپ کا مقصد آرٹیفیشل انٹیلی جنس (اے آئی) کے نفسیاتی اثرات کا جائزہ لینا تھا، ڈاکٹر رقیہ باجوہ نے اے آئی اور انسانی تعامل کے اہم پہلوؤں پر روشنی ڈالی، اس تقریب نے اسکالرز، ریسرچرز، اور پریکٹیشنرز کو علم کا تبادلہ کرنے، خیالات کا تبادلہ کرنے، اور اے آئی اور انسانی تعامل کے مستقبل پر تبادلہ خیال کرنے کے لئے ایک قیمتی پلیٹ فارم فراہم کیا۔
ڈاکٹر رقیہ باجوہ نے کہا بہاؤالدین زکریا یونیورسٹی اور پاکستان سائیکولوجیکل ایسوسی ایشن کے درمیان کامیاب تعاون نے اے آئی سے متعلق چیلنجوں کا سامنا کرنے اور نئے مواقع فراہم کرنے کے لئے بین الضابطہ تعاون کی اہمیت کو ظاہر کیا ہے۔
