ایڈیلیڈ ٹیسٹ: بھارتی ٹیم 180 پر آؤٹ؛ آسٹریلیا کے 1 وکٹ کے نقصان پر 86 رنز، 94 اسکور کا خسارہ باقی
مچل سٹارک کے 6 شکار، بھارتی مڈل آرڈر بیٹرز صرف 18 رنز بنا سکے۔
بارڈر گواسکر ٹرافی سیریز کے دوسرے ٹیسٹ میچ میں آسٹریلیا نے 1 وکٹ کے نقصان پر 86 رنز بنالئے ۔
ناتھن میکسونی 38، مارنس لبوچینگ 20 رنز کے ساتھ کریز پر موجود
انڈیا کے 180 کے جواب میں آسٹریلوی بلے بازوں نے اپنی اننگ کا آغاز کیا تو 24 کے مجموعی سکور پر عثمان خواجہ 13 سکور بناکر جسپریت بمراہ کی گیند پر روہت شرما کے ہاتھوں کیچ آؤٹ ہوگئے، جس کے بعد اسکور کارڈ ناتھن میک سیونے اور مورنس لبسچینگ نے سنبھالتے ہوئے دن کے اختتام تک مزید کوئی وکٹ نہ گرنے دی، اور ٹیم سکور 86 تک لئے گئے۔
قبل ازیں سیریز کے دوسرے ٹیسٹ میچ انڈیا نے ٹاس جیت بیٹنگ کا فیصلہ کیا، اور پوری ٹیم پہلی اننگ میں 180 رنز پر ہی سمٹ گئی۔
مچل سٹارک کی انڈیا کے خلاف کیرئیر بیسٹ باؤلنگ، آدھی انڈین ٹیم پویلین روانہ کردی، مڈل آرڈر بلے باز محض 18 رنز بنا سکے۔
کھیل کے پہلے روز انڈیا نے ٹاس جیت کر پہلے بیٹنگ کا فیصلہ کیا بھارت کی بیٹنگ لائن لڑکھڑا گئی، اور 44.1 اوورز میں 180 سکور پوری ٹیم پویلین لوٹ گئی۔
اوپننگ بلے باز یشساوی جیسوال پہلہ ہی گیند پر وکٹ گنوا بیٹھے، اور بنا کوئی رن بنائے مچل سٹارک کی گیند پر ایل بی ڈبلیو آؤٹ ہوگئے ۔
دوسری وکٹ کی شراکت داری میں شبھمن گل اور کے ایل راہول نے 69 رنز بنائے اور دونوں بیٹرز بڑی اننگ کھیلنے میں ناکام نظر آئے اور کے ایل راہول 37 کے انفرادی سکور پر مچل سٹارک کا شکار بنے ان کا کیچ میک سیونے نے تھاما، انکی اننگ میں 6 چوکے شامل تھے۔ ان کے آؤٹ ہونے کے بعد ویرات کوہلی بیٹنگ کےلئے آئے اور محض 7 رنز بنا کر پویلین چلتے بنے انکی وکٹ بھی مچل سٹارک کے حصے میں آئی۔
شبھمن گل بھی زیادہ بیٹنگ نہ کرسکے اور 5 چوکوں کی مدد 31 کے سکور پر بولینڈ کی گیند پر ایل بی ڈبلیو آؤٹ ہوگئے ۔
پہلی وکٹ 0 پر دوسری 69 پر 5ویں وکٹ 88 رنز پر گری، یوں مڈل آرڈر بیٹرز محض 18 سکور اضافے کا سبب بن سکے۔
کپتان روہت شرما بھی 3 رن بنا کر پویلین چلتے بنے، ان کو بھی بولینڈ ںے ایل بی ڈبلیو آؤٹ کیا ۔
روی چندرن ایشون نے 22 رنز بنائے اور سٹارک کے ہاتھون ایل بی ڈبلیو آؤٹ ہوگئے، ہرشت رانا بنا کوئی رن بنائے مچل سٹارک کی کی گیند پر بولڈ آؤٹ ہوگئے ۔
آسٹریلیا کی جانب سے مچل سٹارک نے 6، سکاٹ بولینڈ، پیٹ کمنز نے 2-2 وکٹیں حاصل کی ۔
یوں آسٹریلوی ٹیم کل دوسرے روز 1وکٹ کے نقصان 86 رنز کے ساتھ اپنی اننگ کا آغاز کرے گی ۔
