تبادلوں میں منفی حربے استعمال کرنے والے اساتذہ کے لئے بری خبر

محکمہ سکولز نے تبادلوں میں منفی حربے استعمال کرنےوالے اساتذہ اور ملازمین کے خلاف کارروائی کا عندیہ دے دیا ۔

اس سلسلے میں جاری مراسلے میں کہاگیا ہے کہ مشاہدے میں آیا ہے کہ بعض اساتذہ ہربار تبادلوں کےلئے سکول انفارمیشن سسٹم میں اپلائی کردیتے ہیں ، جبکہ وہ پہلے ہی اس سے استفادہ کرچکے ہوتے ہیں۔

اسی طرح کچھ اساتذہ اپنے تبادلے کےلئے افسروں پر دباو ڈلواتے ہیں، اور زور زبردستی تبادلے کرانے کی کوشش کرتے ہیں، اب ایسے اساتذہ کے خلاف کارروائی کیجائے گی۔

ایسے تمام ملازمین کو اپنے تمام تبادلوں کا ریکارڈ بھی جمع کرانا ہوگا ، اور وہ غیر قانونی اقدامات میں ملوث پایا گیا تو اس کے خلاف پورا کیس بناکر متعلقہ اتھارٹی کو ارسال کیا جائے گا۔