بنیوولنٹ فنڈ بورڈ نے سرکاری ملازمین کے بچوں کے لئے وظائف کا اعلان کردیا، شیڈول جاری
سرکاری ملازمین کی فلاح و بہبود کے لیے قائم شدہ بنیوولنٹ فنڈ بورڈ سرکاری ملازمین کے کالجز / یونیورسٹیز اور پروفیشنل تعلیمی اداروں میں زیر تعلیم دو بچوں کو سالانہ تعلیمی وظائف دیتا ہے۔
یہ وظائف میٹرک اور اوپری کلاسز میں ساٹھ فیصد نمبر حاصل کرنے والوں کو دئیے جاتے ہیں، اگر ماں اور باپ دونوں سرکاری ملازم ہوں تو دونوں بچوں کی دو دو درخواستیں جمع کروائیں، یہ درخواستیں یکم جنوری 2024 سے 31 مارچ 2025 تک دستی یا بذریعہ ڈاک بھجوائی جا سکتی ہیں۔
ایک سے پندرہ گریڈ کے ملازمین اپنی درخواستیں اپنے ضلع کے ڈپٹی کمشنر اور یا ضلعی بہبود فنڈ کے دفتر میں جبکہ گریڈ سولہ سے بائیس تک کے ملازمین صوبائی بہبود فنڈ الفلاح بلڈنگ شاہراہ قائد اعظم لاہور کے دفتر میں جمع کروائیں، فارم کے ہمراہ طالب علم /طالبہ کے شناختی کارڈ کی کاپی , طالب علم /طالبہ کے والد و والدہ کے شناختی کارڈ کی تصدیق شدہ کاپیاں حاضر سروس ملازم یا ملازمہ یا دونوں کی آخری پے سلپ کی تصدیق شدہ کاپی پنشنر اپنی پینشن بک کی تصدیق شدہ کاپی ۔ ڈیپوٹیشن پر تین فیصد بنیوولنٹ فنڈ جمع کروانے والے چالان فارم کی کاپی منسلک کریں۔
بورڈ / یونیورسٹی سے جاری کردہ رزلٹ کارڈ کی تصدیق شدہ کاپی جس کی بنا پر سکالرشپ کی درخواست جمع کروائی جا رہی ہے، پرائیویٹ تعلیمی ادارے کے طلبہ و طالبات اس ادارے کا بورڈ /یونیورسٹی کے ساتھ الحاق کا سرٹیفیکیٹ کی کاپی متعلقہ ادارے سے حاصل کر کے درخواست کے ساتھ منسلک کریں، وظیفہ حاضر سروس ملازم کے صرف دو بچوں کالج / یونیورسٹی میں زیر تعلیم بچوں کو دیا جاتا ہے، متوفی سرکاری ملازم کے لواحقین تیسرے اور سکولز میں زیر تعلیم بچے کی درخواست بھی جمع کروائی جا سکتی ہے۔
