میٹرک کے امتحانات کی ڈیٹ شیٹ جاری

ملتان سمیت پنجاب بھر کے تعلیمی بورڈز نے میٹرک کے دوسرے سالانہ امتحانات کی ڈیٹ شیٹ جاری کردی، جس کے مطابق میٹرک امتحانات 15 ستمبر سے شروع ہوں گے۔

طلباء کو ان کے ایڈریس پر رول نمبر سلپس بھجوا دی گئیں ہیں، پہلا پیپر جماعت دہم کا ایجوکیشن کا 15 ستمبر کو ہوگا۔ میٹرک پارٹ ٹو کا آخری پیپر 25 ستمبر کو کیمسٹری کا ہوگا۔

دوسری جانب جماعت نہم کے امتحانات 26 ستمبر سے 7 اکتوبر تک ہوں گے، جماعت نہم کا پہلا پیپر ایجوکیشن کا 26 ستمبر کو ہوگا۔ جماعت نہم کا آخری پیپر 7 اکتوبر کو بیالوجی کا ہوگا۔