تعلیمی بورڈ ملتان آل پاکستان انٹر بورڈز ہینڈ بال کا چیمپئن بن گیا

آرگنائزنگ سیکرٹری ملک نثار کے مطابق ملتان بورڈ کیمپس گراؤنڈ پر اختتام پذیر ہونیوالی چیمپئن شپ میں سنگل لیگ کی بنیاد پر 5 تعلیمی بورڈز کی ٹیموں نے شرکت کی۔

یہ بھی پڑھیں ۔
آل پاکستان انٹر بورڈز ہینڈ بال چیمپئن شپ کا آغاز

ملتان نے سوات۔ گوجرانوالہ۔ مالا کنڈ اور بنوں چاروں تعلیمی بورڈز کی ٹیموں کو شکست دے کر پورے ایونٹ میں ناقابل شکست رہنے والی ٹیم کا اعزاز بھی حاصل کیا۔

گوجرانوالہ تین فتوحات کے ساتھ دوسرے اور مالاکنڈ دو کامیابیوں حاصل کرتے ہوئے تیسرے نمبر پر رہا۔

بنوں نے ایک فتح اپنے کھاتہ میں درج کروائی۔ سوات بورڈ اپنے چاروں لیگ میچز شکست کھا گیا۔

بہاولپور بورڈ کے سابق ڈائریکٹر سپورٹس راؤ عمر حیات نے کمنٹیٹر کے فرائض انجام دیئے۔

امپائرنگ و ٹیبل آفیشلز کا پینل نعیم اللہ۔ رانا ضیاء اور جہانزیب پر مشتمل تھا۔