نویں کے نتائج کا اعلان آج ہوگا

تعلیمی بورڈ ملتان کے زیر اہتمام ہونےوالے نویں کے سالانہ امتحان 2022 کے نتائج کا اعلان آج کیا جائے گا۔

ترجمان بورڈ کے مطابق نتائج کااعلان صبح 10 بجے کیا جائےگا، نتائج بورڈ کی ویب سائٹ پر بھی جاری کردئے جائیں گے۔

جبکہ بورڈ نے نتائج معلوم کرنے کےلئے ترجمان آفس میں سہولت فراہم کی ہے ، جہاں سے فون کرکے معلوم کیا جاسکتا ہے، جبکہ ری چیکنگ کی درخواست 4 اکتوبر تک جمع کرائی جاسکیں گی ۔