زکریا یونیورسٹی میں بلیک میلر طالب علم نے پکڑے جانے پر خود کو زخمی کرلیا

زکریا یونیورسٹی ملتان کے اپلائیڈ سائیکالوجی ڈیپارٹمنٹ دوسرے سمسٹر کا طالب علم افراز کا اپنی کلاس فیلو لڑکی کے ساتھ افئیر تھا، افراز کے پاس اس کی نازیبا ویڈیو تھی اور وہ کو بلیک میل کررہا تھا جس پر طالبہ نے چیئرپرسن سائیکالوجی ڈیپارٹمنٹ ارم بتول کو درخواست دی۔

جس پر چیئرپرسن ارم بتول نے افراز کو آفس بلایا اور ڈیپارٹمنٹ کی ڈسپلن کمیٹی میں ہیئرنگ کے دوران موبائل فون جمع کیا اور افراز کو کہا کے آپ جائیں، ہم یہ معاملہ یونیورسٹی کی ڈسپلن کمیٹی میں بھیجیں گے، کمیٹی کے فیصلے کے بعد موبائل فون واپس ملے گا۔

جس پر افراز طیش میں آگیا اور ٹیبل پر پڑا شیشے کا گلاس اپنے سر پر دے مارا، جس سے وہ شدید زخمی ہو گیا، واقعہ کی اطلاع ملتے ہی مقامی پولیس بھی موقع پر پہنچ گئی اور افراز احمد کو نشتر ہسپتال منتقل کیا گیا۔