زکریا یونیورسٹی سے الحاق شدہ کالجز کے طلباء کا مستقبل تاریک ہونے کا خدشہ

زکریا یونیورسٹی نے یکم جون کو مراسلہ جاری کیا جس میں کہاگیا کہ وائس چانسلر نے سفارشات کی منظوری دیتے ہوئے الحاق شدہ کالجز اے ڈی پی ، اے ڈی اے ،کے امتحانات جو تاخیر کا شکار تھے ، انعقاد کی اجازت دی ، اور فرسٹ سمسٹر بی ایس پروگرام سیشن 2022-26 کا دورانیہ 45 سے 60 دن ہوگا ۔
اس دوران کالجز اپنے سلیبس کو مکمل کرالیں، کنٹرولر امتحانات ان کے پیپر کے انعقاد کو یقینی بنائیں، اور فائنل شیڈول جاری کریں، جس پر کالجز کے اعتراض اور تحفظات سامنے آئے ہیں۔
ان کا کہنا ہے کہ سیشن 2021-25 بھی تاخیر کا شکار ہے، اس کے پیپر نہیں لئے جارہے اس کے ساتھ ساتھ الحاق شدہ کالجز کو فرسٹ سمسٹر دسمبر 22 کے آخر میں شروع کرنے کی اجازت دی گئی ، جبکہ زکریا یونیورسٹی میں سمسٹر اگست میں شروع ہوگیا، اس سے پورا ایک سال ضائع کردیا گیا۔
اب ایمرجنسی طور پر امتحانات کے انعقاد کا اعلان کیا جارہا ہے ، جو الحاق شدہ کالجز کے ساتھ ناانصافی ہے ، اور ان کے طلبا کے سال کو ضائع کرنے کی سازش ہے ۔