زکریا یونیورسٹی نے مارکیٹ کے مطابق نصاب کو اپ گریڈ کرنے کا فیصلہ

زکریا یونیورسٹی نے مارکیٹ کے مطابق نصاب کو اپ گریڈ کرنے کا فیصلہ کیاہے جس کےلئے تیاریارں شروع کردی ہیں۔

اس سلسلے میں جاری مراسلے میں کہا گیا ہے کہ یونیورسٹی آئندہ ہفتے اکیڈمک کونسل کا اجلاس بلانے کا ارادہ رکھتی ہے۔

اس بات کا اعادہ کیا جاتا ہے کہ ڈینز اور چیئرمینوں کے اجلاس میں وائس چانسلر نے نئے تعلیمی پروگرام شروع کرنے، مارکیٹ کی ضروریات کے مطابق نصاب پر نظر ثانی کرنے کی خواہش ظاہر کی ہے۔

تعلیمی سیشن 2025 اور ایچ ای سی کی نئی پوسٹ گریجویٹ پالیسی کے مطابق پی ایچ ڈی تھیسس کی تشخیص کے لیے ماہرین کے نام بھی فائنل کئے جائیں گے۔

اس لئے تمام چیئرمینوں اور ڈینز کو ہدایت کی جاتی ہے کہ اس ٹاسک کو پورا کرنے کےلئے فوری طور پر بورڈ آف اسٹڈیز کے اجلاس بلائیں متعلقہ بورڈ آف فیکلٹی سے بھی اس کی منظوری لی جا سکتی ہے تاکہ کیس کو اکیڈمک کونسل میں پیش کیا جاسکے۔