اسلامی جمعیت کا استقبال رمضان کانفرنس کا انعقاد

اسلامی جمعیت طلبہ جامعہ ذکریا کے زیر اہتمام استقبال رمضان کانفرنس کا انعقاد کیا گیا، جس میں طلبہ کی کثیر تعداد نے شرکت کی۔

اس موقع پر ناظم اسلامی جمعیت طلبہ جامعہ ذکریا حارث بلوچ نے طلبہ کو مخاطب کرتے ہوئے کہا کہ رمضان کا مہینہ ہمارے لئے باعث برکت ہے، یہ مہینہ ہمیں صبر کرنا سکھاتا ہے اللہ کے رستے میں اللہ ہی کی خوشنودی کیلئے بھوکے پیاسے رہنا اور صبر کرنے کا درس دینے کے ساتھ ساتھ محبت و بھائی چارے کی طرف بڑھاتا ہے۔

انھوں نے مزید کہا کہ اپنی مصروفیات کو ترک کر کے اس ماہ رمضان کی رحمتوں اور برکتوں کو سمیٹیں لیں، اللہ کی رسی کو مضبوطی سے تھامے رکھو سیدھے اور حق سچ کے راستے کو اپناؤ۔

اس موقع پر شعبہ فہم دین جماعت اسلامی پنجاب جنوبی پروفیسر عبدالمصد اور معتمد جامعہ قاضی حمزہ بھی شریک تھے۔