عنبرین علی شیخ کی پی ایچ ڈی مکمل
شعبہ علوم اسلامیہ بہاء الدین زکریایونیورسٹی ملتان کی پی ایچ ڈی سکالر عنبرین علی شیخ نے پی ایچ ڈی مقالہ بعنوان’’ مسلم معاشرے میں خواتین کے مقام و کردار کا جدید بیانیہ ، فکر اسلامی کے تناظر میں پاکستانی معاشرہ کا تجزیاتی مطالعہ‘‘ پر وفیسر ڈاکٹر عبدالقدوس صہیب کی سرپرستی میں مکمل کیا، اور اس مقالے کا کامیاب مجلسی دفاع پیش کیا۔
محققہ نے مسلم معاشروں میں اسلامی نسائیت کا جدید بیانیہ اور پاکستان میں اس بیانیہ کے فروغ کو تحقیقی انداز میں بیان کیا۔
مجلسی دفاع میں بیرونی ممتحن کے فرائض ڈاکٹر حافظ افتخار احمد چیئرمن شعبہ علوم اسلامیہ اسلامیہ یونیورسٹی بہاول پو ر نے سرانجام دیے، اور اس معیاری تحقیق اور ڈگری کی تکمیل پر سپروائزر اور محققہ کو مبارک باد پیش کی۔
اس موقعہ چیئرمین شعبہ علوم اسلامیہ پروفیسر ڈاکٹر عبدالقدوس صہیب ، پروفیسر ڈاکٹر محمد ادریس لودھی ، پروفیسر ڈاکٹر عبدالقادر بزدار ، ڈاکٹر امجد ، ڈاکٹر حامد علی اعوان ، منزہ حیات ، ڈاکٹر فریدہ یوسف ، ڈاکٹر رضیہ شبانہ ، ڈاکٹر عصمت بتول کے علاوہ بڑی تعداد میں سکالرز نے شرکت کی۔