زکریا یونیورسٹی نے لا کالجز کی ایفلیئشن کے لیے الحاق کمیٹی تشکیل دے دی

زکریا یونیورسٹی ایل ایل بی کیس کے بعد تمام کالجز کا الحاق ختم کر دیا گیا تھا تاہم وائس چانسلر ڈاکٹر زبیر اقبال نے اپنی خصوصی اختیار استعمال کرتے ہوئے ایک بار پھر تمام ایل ایل بی کالج کا الحاق کرنے کا فیصلہ کیا ہے۔

جس کے لیے ایک کمیٹی تشکیل دے دی ہے، جس کے مطابق کمیٹی کے چیئرمین لیگل فیکلٹی کے ڈین ہوں گے جبکہ ممبران میں یونیورسٹی گیلانی کالج کی پرنسپل ڈاکٹر سمزہ فاطمہ، ڈاکٹر فیض بخش، پاکستان بار کونسل کے چیئرمین ایگزیکٹو کمیٹی، ڈائریکٹر ڈائیکٹوریٹ آف لیگل ایجوکیشن شامل ہوں گے جبکہ ڈپٹی رجسٹرار رجسٹریشن سیکرٹری کے فرائض سر انجام دیں گے اگر ڈین فیکلٹی لا کا عہدہ خالی ہوگا تو پرنسپل اس کی نمائندگی کرے گا۔