زکریا یونیورسٹی میں ہراسمنٹ کا شکار طالبہ کا کیس ڈرامائی انداز میں اختتام پذیر، سینڈیکیٹ نے تمام درخواستیں مسترد کردیں
زکریا یونیورسٹی 7 فروری کو ہونے والے سینڈیکیٹ کے منٹس منظر عام پر آنے لگے جس میں شعبہ اردو ہراسمنٹ کے کیس کو ڈرامائی انداز ختم کرنے کا احکامات بھی جاری کردئیے گئے۔
ان احکامات کے مطابق رجسٹرار نے ایوان کو آگاہ کیا کہ ایم فل (اردو) کی سابق طالبہ( ر)نے پروفیسر (ر) ڈاکٹر محمد ممتاز خان کلیانی کے خلاف ہراساں کرنے کی شکایت درج کرائی تھی۔ یونیورسٹی کی ہراساں کرنے والی کمیٹی نے ڈاکٹر ممتاز کلیانی کو تحریری سرزنش کی سفارش کے ساتھ انکریمنٹ روکنے کی سفارش کے ساتھ شکایت کو نمٹا دیا۔ طالبہ نے کمیٹی کے فیصلے کے خلاف صوبائی محتسب میں اپیل بھی دائر کی جبکہ ڈاکٹر ممتاز کلیانی نے چانسلر کو تین سال انکریمنٹ کے حوالے سے اپیل کی تاہم چانسلر نے اپیل کو ناقابل سماعت ہونے کی وجہ سے خارج کر دیا جس کے بعد طالبہ نے اپنے کاغذات اور اسائنمنٹس کی ریمارکس/دوبارہ جانچ کے لیے وائس چانسلر کو ایک اور درخواست دائر کی جس کے بعد یہ کیس کنٹرولر امتحانات کو بھجوادیا گیا جنہوں نے ریکارڈ اور دیگر حقائق کےلئے کیس چیئرپرسن شعبہ اردو ڈاکٹر فرزانہ کو بھجوادیا انہوں نے معاملے کی جانچ پڑتال کےلئے ایک کمیٹی بنادی، جس کا ان کو اختیار نہیں تھا اس دوران وائس چانسلر نے سینئر فیکلٹی ممبران پر مشتمل ایک اپیلٹ کمیٹی تشکیل دی۔
اپیلیٹ کمیٹی نے ریکارڈ کا بغور جائزہ لینے کے بعد فیصلہ کیا کہ طالبہ کی مڈ ٹرم کا امتحان ایک پیپر میں لینے کی درخواست پر غور نہیں کیا جا سکتا۔
مزید برآں کسی اور کاغذ کی دوبارہ جانچ/ری ایویلیوایشن کی اجازت نہیں دی جا سکتی کیونکہ حقائق کو شکایت کنندہ کے حق میں کوئی خاطر خواہ ثبوت نہیں ملا۔
دوسری طرف گورنر چانسلر نے طالبہ کی درخواست کو بھی مسترد کر دیا کیونکہ یونیورسٹی کے کسی اتھارٹی کی طرف سے کوئی حکم جاری نہیں کیا گیا تھا۔
تاہم گورنر کے حکم کی تعمیل میں معاملہ سنڈیکیٹ کو بھجوا دیا گیا طالبہ کو سنڈیکیٹ کے سامنے ذاتی سماعت کا موقع فراہم کیا گیا، وہ پیش ہوئیں اور اپنے دلائل پیش کیے کہ اس وقت کے وائس چانسلر نے کنٹرولر آف ایگزامینیشنز کو دوبارہ تشخیص کی درخواست پر کیس ڈاکٹر فرزانہ کو بھیجا گیا،انہوں نے پیپرز کی دوبارہ چیکنگ کے بعد 60 نمبر دئے موجودہ وائس چانسلر نے طالبہ سے پوچھا کہ کیا ایوان آپ کو ان پرچوں کا دوبارہ امتحان لینے کی اجازت دیتا ہے جس میں آپ کو فیل قرار دیا گیا ہے کیا آپ اسے قبول کریں گے؟ اس نے جواب دیا کہ وہ ناکام پرچوں کا دوبارہ امتحان دینے کے لیے تیار نہیں ہے۔
تفصیلی غور و خوض کے بعد ایوان نے نوٹ کیا کہ ڈاکٹر فرزانہ کو دوبارہ جانچ کے لیے کمیٹی بنانے کا اختیار نہیں تھا، اس لیے سمسٹر رولز کو مدنظر رکھتے ہوئے، سنڈیکیٹ نے اپیل کمیٹی کے فیصلے کو برقرار رکھا اور ان کی اپیل کو قواعد و ضوابط کے منافی قرار دیتے ہوئے مسترد کر دیا ۔
