اے لیول اور او لیول کے امتحانات دوبارہ لینے کا فیصلہ

برٹش کونسل نے طلباء اور والدین کے تحفظات دور کرنے کا فیصلہ کیا ہے، اور کیمبرج کی طرف سے اکتوبر میں دوبارہ امتحان کا انعقاد کیا جائے گا۔

بتایا گیاہے کہ بعض طلباء 10، 11 اور 12 مئی 2023 کو امن و امان کی صورتحال کی وجہ سے اے لیول کے کچھ مضامین کے امتحانات میں شرکت نہ کرسکے تھے،
جس پر کیمبرج کی طرف سے اکتوبر میں دوبارہ امتحان کا انعقاد کیا جائے گا، کیمبرج دوبارہ امتحانات کے انعقاد کے لیے کوئی فیس نہیں لے گا۔

انفرادی کیسز کی دوبارہ چیکنگ کی جائے گی، سکول کیسز کی دوبارہ چیکنگ کی درخواستیں کیمبرج کو جمع کرائیں گے، سکول ایسی درخواستوں کے اخراجات کا 80فیصد برداشت کریں گے، جبکہ 20 فیصد اخراجات والدین برداشت کریں گے۔

دوبارہ چیکنگ کے بعد گریڈز تبدیل ہونے کی صورت میں پوری فیس واپسی کی جائے گی۔