پرائیویٹ تعلیمی اداروں کےلئے بڑا حکم

سی ای او ایجوکیشن ملتان نے موسم گرما کی تعطیلات میں پرائیویٹ تعلیمی اداروں کو سرکاری احکامات ماننے کا پابند کردیا ۔

اس سلسلے میں جاری مراسلے میں کہا گیاہے کہ حکومت کے احکامات کے مطابق تمام پرائیویٹ اور سرکاری ادارے چھٹیوں کے بعد 21 اگست سے کھلیں گے، اس لئے تمام پرائیویٹ ادارے اس شیڈول کو یقینی بنائیں گے کوئی سمر کیمپ نہیں لگایا جائے گا اور سکول بھی مقرر تاریخ کو کھلیں گے ۔

تمام ڈی ای او ز اور دیگر تعلیمی افسر اس حکم نامے کی تعمیل یقینی بنائیں گے ، خلاف ورزی پر قانون کے مطابق کارروائی کی جائے گی ۔