تعلیمی بورڈ ملتان کے چیئرمین نے امتحانی ڈیوٹیوں بارے انکوائری مکمل کرلی

تعلیمی بورڈ ملتان کے چیئرمین حافظ قاسم نے شکایات پر امتحانی ڈیوٹی بارے انکوائری کی، جس کی رپورٹ مکمل ہوگئی۔

چیئرمین تعلیمی بورڈ کا کہنا ہے کہ پروپیگنڈہ کرکے تعلیمی بورڈ کے افسروں کو بلیک میل کرنے کی کوشش کی گئی جو خلاف ضابطہ کارروائی سامنے نہین آئی، امتحانی ڈیوٹیاں (تھیوری و پریکٹیکل) تفویض کرنا کنٹرولر امتحانات کا اختیار ہے، اس میں سیکرٹری بورڈ کا کوئی عمل دخل نہ ہے۔

علاوہ ازیں میٹرک/انٹرمیڈیٹ (فرسٹ سالانہ/سیکنڈ سالانہ) امتحانات 2023ء میں ڈیوٹی دینے والے سپروائزری سٹاف اور پریکٹیکل ایگزامینرز کے معاوضہ جات اور ٹی اے ڈی اے کی 100 فیصد ادائیگی کی جا چکی ہے، مذکورہ امتحانات کے مارکنگ سٹاف کی 98 فیصد ادائیگی کی جا چکی ہے، اگر کسی کو اعتراض ہے وہ سیکرٹری اور چیئرمین سے رابطہ کرسکتا ہے ۔