انٹر کے امتحانات کا کامیاب انعقاد ایک ٹیم ورک کا نتیجہ قرار
تعلیمی بورڈ ملتان کے چیئرمین حافظ قاسم نے کہا ہے کہ انٹر کے امتحانات کاکامیاب انعقاد ایک ٹیم ورک کا نتیجہ ہے ، مشکلات حالات میں بروقت نتائج تیار کرنے پر سیکرٹری بورڈ اور کنٹرولر کو مبارک باد پیش کرتا ہوں۔
نتائج کےاعلان کی تقریب سے خطاب کرتے ہوئے ا ن کا کہنا تھا کہ رواں برس نتائج کی تیاری میں مشکلات پیش آئیں، نئے نئے ایس اوپیز نے مارکنگ میں مشکلات پیدا کیں، مگر سی ای او ایجوکیشن شمشیر خان اور ڈائریکٹر کالجز ڈاکٹرفرید شریف کی مدد نے منز ل آسان بنائی۔
سیکرٹری بورڈ خرم شہزاد قریشی کا کہنا تھا کہ یہ بھاری ذمےد اری تھی جو احسن طریقے سے ادا کی گئی حکومت کی طرف سے دی گئی ڈیڈ لائن کی وجہ سے اس عرصے میں ایمرجنسی نافذ رہی۔
کوشش کی گئی کہ طلبا وطالبات کو معیاری مارکنگ کرکے ریلیف دیا جائے، اس کےلئے حکومتی احکامات پر پورا عمل کیا گیا ۔
تقریب سے کنٹرولر حامد بھٹی اور دیگر نے بھی خطاب کیا ۔