بلائنڈ کرکٹ ٹیم کے اعزاز میں تقریب ستائش، چیئرمین پی سی بی کی میزبانی

چئیرمین پاکستان کرکٹ بورڈ محسن نقوی کی ٹی ٹوئنٹی ورلڈ کپ جیتنے والی بلائنڈ کرکٹ ٹیم کے کھلاڑیوں کی بھرپور حوصلہ افزائی کرتے ہوئے بلائنڈ کرکٹ ٹیم کے کھلاڑیوں کو نیشنل کرکٹ اکیڈمی اپنا خصوصی مہمان بنایا۔
یہ بھی پڑھیں ۔
پاکستان بلائنڈ کرکٹ ورلڈ کپ کا چیمپئن بن گیا
اس موقع پر چیئرمین پی سی بی محسن نقوی نے ٹی ٹوئنٹی ورلڈ کپ جیتنے پر بلائنڈ کرکٹ ٹیم کے کھلاڑیوں کو ایک کروڑ روپے کا چیک دیا جبکہ بلائنڈ کرکٹ ایسوسی ایشن کو 2 کروڑ روپے کی گرانٹ کا چیک دیا۔
چیئرمین پی سی بی محسن نقوی نے بلائنڈ کرکٹ ٹیم کے کھلاڑیوں کو ٹی ٹوئنٹی ورلڈ کپ جیتنے پر مبارکباد دی اور ٹیم کے کھلاڑیوں کی شاندار کارکردگی کو سراہا، خصوصاً ٹیم کے کپتان نثار علی اور چیئرمین بلائنڈ کرکٹ ایسوسی ایشن سلطان شاہ کو خصوصی طور پر مبارک باد دی اور کہا کہ آپ کی جیت پاکستان کی جیت ہے، ٹی ٹوئینٹی ورلڈ کپ جیت کر پاکستان کا نام روشن کیا ہے، اور بلائنڈ کرکٹ ورلڈ کپ جیتنے سے قوم کو خوشیاں ملی ہیں۔
یہ بھی پڑھیں ۔
پاکستان چوتھے ٹی ٹوئنٹی بلائنڈ کرکٹ ورلڈکپ کا چیمپئین بن گیا، چیئرمین پی سی بی کی مبارک باد
ان کا مزید کہنا تھا کہ بلائنڈ کرکٹ ٹیم کے کھلاڑی ہمارے لئے بہت اہمیت رکھتے ہیں، ٹیم کے کھلاڑیوں کو پورا سپورٹ کریں گے اور ان کی ضروریات کو پورا کیا جائے گا۔ اس موقع پر چیئرمین پی سی بی کا کہنا تھا امید ہے کہ آپ فتوحات کا سلسلہ برقرار رکھیں گے۔
اس موقع پر چیئرمین بلائنڈ کرکٹ ایسوسی ایشن سلطان شاہ کہا کہنا تھا کہ کرکٹ ٹیم کی بھرپور سپورٹ پر چیئرمین پی سی بی محسن نقوی کا شکریہ ادا کرتے ہیں۔
کپتان بلائنڈ کرکٹ ٹیم نثار علی کہا کہ چیئرمین کی ہدایات پر بورڈ حکام نے ہمیشہ ہمارا خیال رکھا ہے اور اب ہیڈ کوارٹر مدعو کرکے ہمیں عزت واحترام دیا جو کہ قابلِ تعریف ہے ۔
ایڈوائزر عامر میر۔ وہاب ریاض۔چیف فنانشل آفیسر۔ ڈائریکٹرز انٹرنیشنل کرکٹ۔ نیشنل کرکٹ اکیڈمی۔ ڈومیسٹک کرکٹ۔ اظہر علی اور بلائنڈ کرکٹ ٹیم کے عہدیداران اور کھلاڑی بھی اس موقع پر موجود تھے۔