چئیرمین پی سی بی محسن نقوی کی ریاض میں سعودی عربیہ کرکٹ فیڈریشن کے چئیرمین شہزادہ سعود بن مشعل السعود سے ملاقات

چیئرمین پی سی بی محسن نقوی کی چیئرمین سعودی عربیہ کرکٹ فیڈریشن کو چیمپئنز ٹرافی ٹورنامنٹ کے میچز دیکھنے کے لئے پاکستان کے دورے کی دعوت۔ کرکٹ کے فروغ اور سٹیڈیمز کی تعمیر کے حوالے سے ہر ممکن تعاون کی پیشکش

چیئرمین پاکستان کرکٹ بورڈ محسن نقوی نے ریاض میں سعودی عربیہ کرکٹ فیڈریشن کے چیئرمین شہزادہ سعود بن مشعل السعود سے ملاقات کی۔

ملاقات میں سعودی عرب میں کرکٹ کے فروغ اور کھلاڑیوں کی ڈویلپمنٹ پر تبادلہ خیال کیا گیا۔
چیئرمین پی سی بی محسن نقوی نے چیئرمین سعودی عربیہ کرکٹ فیڈریشن کو چیمپئنز ٹرافی ٹورنامنٹ کے میچز دیکھنے کے لئے پاکستان کے دورے کی دعوت دی۔چئیرمین پی سی بی محسن نقوی نے کرکٹ کے فروغ اور سٹیڈیمز کی تعمیر کے حوالے سے ہر ممکن تعاون کی پیشکش کی ۔

چیئرمین پی سی بی محسن نقوی نے سعودی عرب کے کھلاڑیوں کو تربیت دینے کی پیشکش کی۔ چیئرمین پی سی بی محسن نقوی نے کہا کہ کرکٹ ڈویلپمنٹ کے لئے پلیئرز ایکسچینج پروگرام شروع کیا جا سکتا ہے۔سعودی عرب اپنے ابھرتے ہوئے کھلاڑیوں کو پاکستان بجھوا سکتا ہے اور کرکٹ ڈویلپمنٹ اور سٹیڈیمز کی تعمیر کے حوالے سے پوری معاونت کریں گے۔سعودی عرب ہر پاکستانی کا دوسرا گھر ہے۔ تعاون پر خوشی ہو گی۔

چیئرمین سعودی عربیہ کرکٹ فیڈریشن نے کہا کہ ہم پلیئرز ڈویلپمنٹ پر کام کر رہے ہیں، سعودی عرب میں کرکٹ کے تقریبا 18 ہزار کھلاڑی ہیں۔سعودی عرب نے
ایشین کرکٹ کونسل کا چیلنج کپ بھی جیتا ہے۔پاکستان کے ساتھ کرکٹ کے فروغ کیلئے قریبی تعاون کے ساتھ کام کرنا چاہتے ہیں۔