Breaking NewsNationalتازہ ترین

پاکستان میں پر امن انقلاب آرہا ہے، عمران خان

چیئرمین پی ٹی آئی عمران خان کا کہنا ہے کہ اس وقت پاکستان میں پُرامن انقلاب آرہا ہے، کل جب ہم شہر سے گزریں گے تو نظر آجائے گا کہ انقلاب گزر رہا ہے۔

چن دا قلعہ پر حقیقی آزادی مارچ کے شرکاء سے خطاب کرتے ہوئے سابق وزیراعظم عمران خان نے کہا کہ میں نے اپنی زندگی میں دو انقلاب دیکھے، ایک جو خونی انقلاب ایران میں آیا ش جبکہ دوسرا انقلاب جو پرامن انقلاب ہوتا ہے ووٹ سےآتا ہے۔

انہوں نے کہا کہ اس وقت پاکستان میں پر امن انقلاب آرہاہے، کل جب ہم شہرسے گزریں گےتو نظرآئےگا ملک انقلاب سےگزر رہاہے۔

شرکاء سے خطاب کرتے ہوئے عمران خان نے ایک بار پھر امپورٹڈ حکومت کو قبول کرنے سے انکار کرتے ہوئے کہا کہ ہم چاہتے ہیں کہ ملک کےفیصلے ملک میں ہی ہوں، پاکستان میں قانون کی بالادستی ہو ہمیں کسی سے ڈکٹیشن لینے کی ضرورت نہ ہو۔

عمران خان نے کہا کہ ملک میں حقیقی آزادی شفاف الیکشن سےہی آئےگی، آزادی پلیٹ میں رکھ نہیں ملتی قربانیاں دینی پڑتی ہیں، سن لو ! قربانی کی ضرورت پڑی تو میں سب سےپہلےقربانی دونگا۔

سابق وزیراعظم نے شریف خاندان کو تنقید کا نشانہ بناتے ہوئے کہا کہ نواز شریف کو تین سال سے دوائی نہیں مل رہی جو باہربھاگا ہوا تھا،اب نوازشریف این آراو لینے لگا ہے یہ پھرلوٹ مار کرنےواپس آئےگا۔

عمران خان نے نوازشریف کو مخاطب کرتے ہوئے کہا کہ سن لو! میری قوم تمہارا انتظارکررہی ہے، کہیں ایسا نہ ہو کہ عوام کو دیکھ کرتمہارے پلیٹ لیٹس پھر نیچے چلےجائیں، اس بار تمہاری کوئی رپورٹ تسلیم نہیں کریں گے۔

وزیراعظم شہباز شریف کو ہدف تنقید کرتے ہوئے عمران خان نے کہا کہ شہبازشریف کی 16ارب روپےکی چوری پکڑی گئی یہ باہر جاکر بھیک مانگتا ہے، ہم ایک غیرت مند ہے قوم کے لئے بیرون ملک سے قرضےنہیں مانگتے، ہم امریکاکےغلام نہیں جو باہر جاکر ہمیں شرمندہ کراتےہیں۔

واضح رہے کہ پی ٹی آئی کے "حقیقی آزادی مارچ’ کے چوتھے روز کا اختتام ہوگیا ہے، پی ٹی آئی کل سے گوجرانوالہ سے اپنے مارچ کو دوبارہ شروع کرینگے۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

پاکستان میں کرونا وائرس کی صورت حال

گھر پر رہیں|محفوظ رہیں