چینی وفد کا نواز شریف زرعی یونیورسٹی کا دورہ
ایم این ایس زرعی یونیورسٹی میں سکیانگ ایگریکلچرل وکیشنل اینڈ ٹیکنیکل یونیورسٹی چین اور ٹانگ چائنیز ایجوکیشن اینڈ ٹیکنالوجی لمیٹڈ چین کی پانچ رکنی وفد نے دورہ کیا۔
اس دورے کا بنیادی مقصد مفاہمت کی یاداشت (ایم او یو) پر دستخط اور چائنہ پاکستان ماڈرن اینیمل ہسبنڈری ایگری اکیڈمی کا قیام، اس کے علاوہ مشترکہ تربیتی سیشنز اور صنعتی اداروں کے دورے منعقد کرنا، اداروں کے درمیان صنعت اور تعلیمی شعبوں کے اشتراک کو مضبوط بنانا تھا۔
اس موقع پر وائس چانسلر پروفیسر ڈاکٹر آصف علی (تمغہ امتیاز) نے یونیورسٹی میں جاری منصوبوں بارے تفصیلی پریزنٹیشن دی،کاٹن پروڈکشن، اینیمل بریڈنگ ،اینیمل فیڈ، سسٹین ایبل ایگریکلچر فارمنگ اور ان سب کی مستقبل میں افادیت کے بارے میں وضاحت کی۔
سنکیانگ ایگریکلچرل یونیورسٹی چین کے وفد کہ سربراہ ڈاکٹر ڈنپگ شوانگاۓ نے سنکیانگ یونیورسٹی اور وہاں جاری منصوبوں کے بارے میں تعارف کروایا۔
انہوں نے اینیمل بریڈنگ مستقبل میں ریسرچ اور پروجیکٹس کے شعبوں میں اشتراک ،مشترکہ ڈپلومے، جوائنٹ فیکلٹی ٹریننگ پروگرام اور سالانہ بنیادوں پر دونوں یونیورسٹیز میں مشترکہ ٹریننگ اور ورکشاپ کروانے کا اعادہ کیا، وفد نے زرعی یونیورسٹی ملتان کی مثالی لیبارٹریز، فارمز اور دیگر سہولتوں کو خوب سراہا۔
اس موقع پر پروفیسر ڈاکٹر عرفان احمد بیگ،پروفیسر ڈاکٹر حماد ندیم، پروفیسر ڈاکٹر جنید علی خان، پروفیسر ڈاکٹر مبشر مہدی سمیت دیگر فیکلٹی بھی موجود تھے۔
