Breaking NewsEducationتازہ ترین
ویمن یونیورسٹی کے مسیحی ملازمین کے اعزاز میں تقریب
دی ویمن یونیورسٹی ملتان میں کرسمس کے موقع پر کیک کاٹنے کی تقریب منعقد ہوئی۔ وائس چانسلر ڈاکٹر عظمیٰ قریشی نے بطور مہمان خصوصی شرکت کی۔
اس موقع پر انہوں نے کہا کہ میں تمام مسیحی برادری اور خصوصاً ویمن یونیورسٹی ملتان کے مسیحی عملے کو مبارکباد پیش کرتی ہوں۔ ہم آپ کے ساتھ آپ کی خوشیوں میں برابر کا حصہ پیش کرتے ہیں۔
انہوں نے کہا کہ اس ملک میں ہر کوئی اپنے مذہبی عقائد پر عمل کرنے کے لیے آزاد ہے، کرسمس نے پوری انسانیت کو امن اور محبت کا پیغام دیا ہے ۔
انہوں نے کہا کہ مسیحی برادری نے اس ادارے اور پاکستان کی بہتری کے لیے بہت محنت اور دعائیں کی ہیں۔
وائس چانسلر پروفیسر ڈاکٹر عظمی قریشی نے کرسمس کا کیک کاٹا اور سٹاف کو تحائف بھی دیئے۔
اس موقع پر رجسٹرار ڈاکٹر قمر رباب، ڈاکٹر سارہ مصدق ریحان قادر اور دیگر سٹاف ممبران نے شرکت کی۔